தென்காசி ஷீரடி வைத்திய சாயி கோயிலில் ஒவ்வொரு பவுர்ணமி அன்றும் மாலை 4:00 மணி அளவில் ஸ்ரீ சத்யநாராயண பூஜை நடத்தப்படுகிறது. இந்த பூஜை ஷீரடியில் எவ்வாறு நடத்தப்படுகிறதோ, அதே போன்று இங்கும் நடத்தப்படுகிறது.

ஸ்ரீ சத்யநாராயண பூஜையின் பலன்கள்:

  • ஏழ்மை விலகி செல்வம் பெருகும்
  • பொய் வழக்குகளில் இருந்து விடுதலை
  • திருமண யோகம், குழந்தைச் செல்வம்
  • புகழ், கெளரவம், செல்வம்
  • அந்தஸ்து, அதிகாரம், பதவி

நினைத்த காரியங்கள் நிறைவேற, பக்தர்கள் ஸ்ரீ சத்யநாராயண பூஜையில் கலந்து கொண்டு பயன்பெறுமாறு அன்புடன் கேட்டுக்கொள்ளப்படுகிறார்கள். பூஜையில் தம்பதிகளாகக் கலந்துகொள்வது மிகவும் சிறப்பு.  தனி நபராகவும் கலந்து கொள்ளலாம்.

பூஜைக்குரிய அனைத்துப் பொருட்களும் நிர்வாகத்தினரால் வழங்கப்படுகின்றன.

பூஜை முன்பதிவிற்குக் கோயில் நிர்வாகத்தினரைத் தொடர்பு கொள்ளவும்.

தொடர்பு கொள்ள: 75983 80374, 99521 40090

குறிப்பு: தென்காசி ஷீரடி வைத்திய சாயி கோயிலில் நவக்கிரக பூஜை, பொதுவாக, ஸ்ரீ சத்யநாராயண பூஜைக்கு முந்தைய நாள் நடத்தப்படும்.



2021-ஆம் ஆண்டிற்கு இன்னும் திட்டமிடப்படவில்லை

சேர்த்து வைத்த நல்ல குணங்கள் எவையோ, அவை மட்டுமே ஜீவனுடன் வரும்; உயர்ந்த கதியை நல்கும். ஆகையால், பிரம்மஞானத்தினால் பெறும் பயனை இவ்விதமாகவும் பெற முடியும்! என் சொற்களை மறந்து விடாதீர்கள்.

- ஷீரடி சாயி பாபா

ஸ்ரீ சாயி சித்திர சரிதம் - புத்தக முன்னோட்டம்

ஸ்ரீ சாயி சித்திர சரிதம்

கொரோனா: தரிசனம் ரத்து

தமிழக அரசால் கொரோனா வைரஸ் தொற்று பரவாமல் தடுக்கும் விதமாக பேரிடர் என அறிவிக்கப்பட்டு மேற்கொள்ளப்பட்டு வரும் பாதுகாப்பு முன்னெச்சரிக்கை மற்றும் தடுப்பு நடவடிக்கைகளின் தொடர்ச்சியாக, பொதுநலன் கருதி, பக்தர்கள் ஒன்று கூடுவதைத் தவிர்க்கும் பொருட்டு, ஏப்ரல் 26, 2021 (திங்கட்கிழமை) முதல் மங்கம்மா சாலையில் உள்ள வைத்திய சாயிபாபா கோயிலில் பக்தர்கள் தரிசனம் ரத்து செய்யப்பட்டுள்ளது என்பதைத் தெரிவித்துக் கொள்கிறோம்.

மறு அறிவிப்பு வரும்வரை சாயி பக்தர்கள் கோயிலுக்கு வருவதைத் தவிர்க்கவும்.

பாபாவிற்கு ஆரத்தி மற்றும் பூஜைகள் வழக்கம் போல் நடைபெறும்.

- கோயில் நிர்வாகம்